امسك حرامى مع احترامى لكل اللصوص اللى نفضونا واللى ضيعونا واللى عيشونا حياتنا في كابوس
اللى باعونا جيل ورا جيل وشيلونا الحمل تقيل سابو دمنا على الارض يسيل وهما عملو اسامى امسك حرامى
فى حرامى خبره ويخدعك وعينيه جريئه وحرامي خايب يمسكو فى اول سريقه
فى حرامي ببدله وكرفته وحرامي بيسرق في محطه وحرامي بملايين طفش وحرامي غسيل يتقفش
وحرامي ايديه مش طايله ينزل يسرق حرامى امسك حرامى
اسرق يا عم الحرامي اسرق واقلق منامي عارفك واطي وخسيس اسرق حلم الغلابه اسرق ما انتو الديابه واحنا اللحم الرخيص
اسرق كله ولا تسيب انت اولي من الغريب عدي علي رقابنا ودوسنا واستثمر فينا فلوسنا واعملك شو اعلامى امسك حرامى