بعد اما سيبنا بعضنا واتفرقوا القلبين ايه اللي بيا افكره كل ده كان فين
دي حكايه خلصت من زمان فاتت عليها سنين
انا كنت فاكره في بعدنا ان الامل معدوم ان اللي بينا نرجعه او حتي اقابله في يوم
ما بقتش عارفه مين فينا ظالم ومين مظلوم
في حاجات كتير اتغيرت مش قادره اقولهاله
لا انا علي حاله ولا قلبي لسه علي حاله في حد تاني في دنيتي دلوقتي عايشاله
مش معني اني قدرت اعيش حياتي من بعديه اني اجرحه وانا كنت يوم اقرب من روحه ليه
انا نفسي اقوله علي الحقيقه بس خايفه عليه
اللي تاعبني انه فاكر حبنا ولياليه راجع وباينه فرحته في كلامه قبل عينيه
ازاي يارب افهمه اني مابقتش ليه