مفيش اسباب بعدت وعمري ماعملت لبعادنا حساب
انا سيبتك عشان ماقبلش اني اتساب
مشيت قبل انت ماتقولي خلاص مليت
جراح في جراح
جرحت انا نفسي بايديا عشان ارتاح
بسببك كل شي كان حلو بينا اهو راح
نهاية اكيد حبيبي عكس مااتمنيت
اوقات بتموت حاجات علشان نعرف نعيش
وهاكمل ليه الحياه مع قلب ماحبنيش
كان نفسي اعيش جواك مش بس اعيش وياك
ماتجيبش العيب عليا وماتلومنيش
ماكملناش عملت حاجات كتير قلبك ماقدرهاش
وكنت بموت عشان ارضيك ومابترضاش
وقطر الفرح عدى قصاد عينيا وفات
وهاكدب عليه انا بحبك وهافضل احبك اعمل ايه
ده قلبي اكيد ماليش كلمة حبيبي علية
لكن عقلي بيبني قرارو على الحسابات
أوقات بتموت حاجات علشان نعرف نعيش
وهاكمل ليه الحياه مع قلب ماحبنيش
كان نفسي أعيش جواك مش بس اعيش وياك
ماتجيبش العيب عليا وماتلومنيش