راعى ضميرك وانت تلاقى اكتر من اللى بتحلم بيه
متبصش للى فى ايد غيرك ولا تستكتر نعمه عليه
ربنا بيقسم ارزاقه ربنا خلق الناس درجات
اياك تتعرض لقضائه ارضى بحكمه وسلم ليه
كنز المال يتعوض لكن كنز الستر ميتعوضش
ممكن تبقى فى قصرك ساكن والفرحه مبتقربلكش
كلنا فى الاصل ولاد تسعه بس الرك على التفكير
فرق كبير بين اللى بيسعى بين كسلان مبيتحركش
ربنا عمره ما يوم اتخلى عن واحد بيحبه بجد
ربنا فاتح بابه يوماتى مش بس الجمعه والحد
لو ضاقت جرب صليله واشكيله هيفرجها عليك
مبيكسفش اللى بيدعيله مهو ملك السموات والارض