تسمحى لى يامه من وقتك شويه انسى جنبك حمل شايله تقيل عليا
وزي عادتك تسمعيني لو بكيت استحمليني يامه زادت قسوة الايام عليا
كل يوم بقى يشبه اليوم اللى عدي كلمتين مش مفهومين على دمعه شارده
حتى لون الدنيا باهت والمعانى فى قلبى تاهت خوفى لا تطول علينا الشده ديه
مادريتيش يامه اللى حاصل وانتى غايبه حالنا مال بعدك خلاص الدنيا سايبه
شوفتى حتى ابن اللئيمه والله بان وبقاله قيمه الجبان لقى فرصه يتشطر عليا
قبل ما امشى باسالك مش عايزة حاجه لسه برضه ساكته مش هتقولي حاجه
بكره هتقومي بالسلامه ياللى شيلتى الهم ياما
ترجعيلنا يامه زي زمان بهيه ترجعيلنا يامه زي زمان بهيه