مابقاش فاضلى فى قلبى غير دقه بينى وبين خط الحياه زقه
قلبى مايملكش الا كلمه اه غصبوه عليها لما قال لا
عايش حياتى بنص قلب عجوز لابس على وشي قناع ارجوز
دورت على حظي كتير يا حياه قطر الحظوظ كله طلع محجوز
موجوع وضهري محني من همي راح العسل والشهد من فمي
وسكن مكانه مر طعم الصبر والدنيا مستحليه كسرتى وألمى
جيت الحياه ماكانش ليا ذنب ورضيت اعيش دنيتى علي جنب
الستر كان اخر حدود حلمي اتاريه فى ايامنا خيالى وصعب
الناس تشوف وشي تقول قادر وتقول حويط فاجر مالوش اخر
وده وش عيره لابس وانا مطحون بعمل لنفسي م الوحوش ساتر
مابقتش عارف نفسي هو انا مين ابن الملايكه ولا اخو الشياطين
اوقات بخاف مني علي نفسي ما اعرفش واخداني ورايحه لفين
موجوع وضهري محني من همي راح العسل والشهد من فمي
وسكن مكانه مر طعم الصبر والدنيا مستحليه كسرتى وألمى