انا مش كتاب تقراه وترجع تحبسه جوه الدولاب
انا مش رسمه علي الحيطه مش حاجه في الاوضه عشان تقفل عليها
انا مش خزنه تحرصها ولا قطه هتحبسها بحجه خوف مالوش اسباب
انا انسانة مسؤولة مش هقبل اكون متراقبه طول الوقت
لانى قادره بسهوله اراقب نفسي من غير وصايه حد
حب ده ايه اللى بالاجبار شك وغيره باستمرار
تقرير يومي بالاخبار ودي تتسمي ازاى دي حياه
لازم تحسسنى بوجودى لا اسئلتك ولا ردودي هيكشفولك حقيقتى انا
صدقنى مفيش حاجه تنفعك عن حاجه مفيش غير ضميري وبس
الحياه مش فيلم عربي قديم ولا سلطان وحليم ورأي كله تحكيم وخلاص
حبنى بطريقتى سيبنى اعيش طريقتك ماتناسبنيش اعيب منين احساس