وادينى سيبته وشوفت اهو ماحصلش حاجة والوضع فعلا ماختلفش فى اي حاجه
باكل واضحك بشتغل واعمل كل حاجه لا لا مش زعلانه وكئيبه
مش ماسكه صورته وبتقهر زى العبيطه ولا ماشيه وبخبط دماغى فى كل حيطه
مابردش على اللى يقولى كلمه جات بسيطه بعدك مش متصنف مصيبه
بالعكس حتى حاسه مرتاحه وسعيده ماطلعش انها حاجه وحشه اعيش وحيده
هبدا حياتى فى صفحه فاضيه ولسه بيضا وبشنطه شخصيات جديده
انا عارفه انه زمانه ماشى يقول عليا انا واحده شريره وقويه ومفتريه
شايفين يا ناس الست دى عملت ايه فيا كدبك سامعاه من وانا بعيده
اسلوب كلامى طبيعى هيحير شويه انا قاسيه ولا ده كله من كتر القاسيه
لو حد عايز يعرف مين فينا الضحيه يسال عن مواقفنا القديمه
ماقدرش انكر ان لسه فى جزء فيا بيقولى طب كنتى استنيتى عليه شويه
ماتمثليش انك عايشه طبيعى وعاديه ماتمثليش انك سليمه