هما حته مننا دول ولدنا واهلنا هما عايشين عيشه صعبه
وكل ده ماكانش بايديهم
ايوه عايشين مش كده وبايدينا حلها كل واحد فينا يقدر انه يعمل حاجه ليهم
يعني تخيل كده لو احلامهم على ايدي وايدك تكبر
ونشيلهم دايما فى عيوننا نسعدهم على قد ما نقدر
يمكن بكره تكون دكتوره وتعالج ناس مش لاقيين
او فنانه كمان مشهوره فنها يسعد ملايين
يمكن نفسه يكون طيار او استاذ بيعلم فينا
او ظابط عشان انت تعيش يسهر على امنك بالليل
يعني تخيل كده لو تعمل حاجه تغير شكل حياتهم
ونكون دايما حاسين بيهم ونعوضهم كل ما فاتهم
بكره هتكبر وتكون ام والاولاد عليها حقوق
تبقي رياضي من الابطال يرفع رايه بلده لفوق
مستقبلنا ومش هنبيعه ولا نعمل محناش شايفين
بايدينا يا ينجحو يا يضيعو اختار حاجه من الاتنين