وكانت تصحى على صوتى وتكتب شعر ف سكوتى
وتحلف باللى خلق الكون بعادك عنى فيه موتى
وضحكة بتشفي قلب حزين وبعد خصام نقول اسفين
و100 واحشني وواحشنى واحلى كلام ما بين عاشقين
وباب المترو فى القبه واخدها في حضني كده حبه
ما بين درعاتي تتخبي عشان احميها من النازلين
وتهمس ليا في الشارع وبعمل نفسي مش سامع
تقول تانى بحبك موت واقول عادي مفيش مانع
وتعمل فيها زعلانه واجيب شيكولاته ولبانه واقول مبسوطه يا عيونى تقولي حياتي مليانه
وادينا بننسي وبنمشي مافيش احلام ما بتموتش كتير القرب بيخبي بعاد وياه مابيبانش
خلاص راحت مع الايام خلاص اصلا مفيش احلام وبعد العشره بين قلبين خلاص مات الكلام يا سلام