حبة صور ساكتين متعلقين حوالينا
صور لاحلي سنين مع ناس غاليين علينا
فيهم اللي سابنا ومبقاش معانا
وفيهم شبابنا وايام صبانا
وراهم كتبنا تاريخ يوم لقانا
صور سايبه فينا حاجه معيشانا
صور لسفر لفرح لسهر
لحبيب في حياتي في فتره ظهر
ولاحلي ايام الله يا سلام
اللحظه دي لو ترجع بينا
معظم صورنا زمان افراح ولمه زوينه
ولا حد فيها زعلان ولا تلقي صوره حزينه
صور في الاجازه علي البحر في تمانيه
ياريت كنا خدنا صوره لكل ثانيه
صور عيد ميلادنا ولمه صحابنا
وناس مش بايدنا بقو في حته تانيه