عناد فيك الليلة والله لـ اصحيك
من عز نومك واحلف اني احبك
دامك تقول القلب ما عاد يغليك
اجل تحمل والله يعين قلبك
وشلون ما احبك وانا ميت فيك
من وين جبت اني مقصر في حبك
من كثر ما قلبي يودك وشاريك
لـ اذنبت انا ادعي ربي اشيل ذنبك
انت الهوى واتنفسك كيف اخليك
الدنيا دنيا بس اذا كنت جنبك
كل نبضة في قلبي تدق وتناديك
وتشك في حبي ولا تخاف ربك
ياللي حياتي كلها ملك اياديك
عهد علي الليلة لازم اعذبك
وكل ما غفت عينك بحاول اصحيك
واحلف لك انك تاج راسي واحبك