واخدين راحتهم قاعدين في قلبي مربعين وبيعصروه

وكانه بيتهم يارب بس يكون عاجبهم الفيو

عايشين حياتهم اتمني بعد ده كله يبقو مبسوطين

في حاجه ناقصه في حاجه ناقصه ولا ننزل بالجاتو

داخلين حياتي حسسوني اني ضيف

وبيطلبو في طلبات وفاكرينها ببلاش

واللي اعرفه ان الصح يبقي الضيف خفيف

وحساب ده كله هيدفعه بفيزا ولا كاش

مالهوش دور في حياتي اصلا شفافين

وتحسهم ال يعني مش راضيين كمان

لو محتاجين حاجه قولو ليه بقي مكسوفين

من العين دي قبل العين دي ده انتو اصحاب مكان