معلش استحمليني

انتي بس اللي بتديني فرصه احكي وتسمعيني

معلش استحمليني

عارفك لما تواجهيني مش بتضعفي وتجامليني

لا بتزهقي ولا بتملي

سمعاني وكتمالي سري

صدقك بس هو فعل

حقيقي اللي فاضلي

قالوا الصديق وقت الضيق

دلوقتي بقى سببه

متسالش الحبيب ليه مشيت

هتموت مرتين لو قلبك

رجع للي خذلوه اه

ميت شكرا للي وجعن

وخان فجاه الامانه

كده كنا هنتعب اكتر

لو كان طول معان

شكرا للي علمن

نهاية التقدير اهانه

الغدر مجاش غير من اللي

بحكيلهم اوجاعي

فكروني بالغنم

اكمل ولا مفيش داعي

يعيش عمره خايف من الديابه

وفي النهايه ياكله الراعي

معلش استحمليني

ويا جمالك وانتي في حالك

ساكته بتسمعي

ولا عمرك اشتكيتي رغيي

ولا مني بتصدعي

شكرا تعبتك معاي

تصبحي على خير يا مراي

معلش محدش فينا بيتعلم ببلاش

اتجرح واتعلم ولا ابقى ساذج وسط الناس

ما بلاش تستنى اي حاجه من اي حد

صاحبك بجد ميسيبكش لو الوقت شد

ولا اقولك كويس انه سابك اعرف قيمة غيابك

العيار اللي ميقتلش يقويك ده احنا في وسط غابه

يمكن عشان غلابه اه

معلش طولت عليكي في الكلام شويه

تقلت عليكي عشان عارف انتي اللي باقيه لي

دنيا وضاقت عليا مفضلش ليا غير الاغاني والمرايه ديا والمرايه ديا

افضفض ليها وتسمعني تسمعني

مفيش مكان في الكون يساعني يساعني

كان نفسي اقول اللي جوايا واقول لمين ده كله باعني كله باعني