كل وعد وعدتهولك هوفهولك ماتخافيش

كل حلم هييجي وقته وبأوانه ما تقلقيش

مش هقصر يوم معاكي صدقيني

النتيجه انا بقوى بيكي ماتضعفيش

انتي نفسك كنتي حلم في يوم حلمته

فضلت اعافر في الحياه لغاية ما طولته

وانتي زي ما كنتي واقفه في ضهري سانده

هتسنديني وهعمل اكتر من اللي عملته

اوعديني ان انتي تبقي زي ظلي ماتبعديش

كل صعب عليا عدى وانتي جنبي مهزنيش

الوحيده اللي في حياتي بتفهميني

واللي بيها وليها عمري الجاي هعيش