اغنية فول كافيار رامى عصام Mp3 من البوم ممنوع

نور عينك قاعد في الضلمه بيولع شمعه ويدعيلك
يباركلك ربنا فى الكرسي ويديك على قد ما تدينا
هو اللى خربها وجيت انت بتصلح مصر وترفعها
ومفيش احمال زايده ده عامل خد رشوه وهو اللى قطعها
ليك شنه ورنه وليك هيبه لايق على المنصب وكاريزما
حريه وعيش وقضاء شامخ اما البنزين فـ مفيش ازمه
والدنيا جميله وكله تمام مفيش مسجون من غير تهمه
واللي يعرضوك قله اندست او ناس بتشوشر مش فاهمه
وان كان على الضلمه هنتعود وان كان على الجوع اهي مش فارقه
وان كان على الصلي على النبي فاحنا بنصلى يخويا من غير ورقه
من امتي اتعودنا نعارض امرك على طول ماشي علي الكل
وان كان على الوضع اهو يتحسن والناس مرتاحه وزي الفل
من حال الناس انا عقلي احتار الناس بتشوف الفول كافيار اه ياليلي يا ليلي يا ليلي
لو تلقى حكومه بتضرب نار الناس بتقول قشطه استقرار
هشتكنا وبشتكنا وعادي وايادي تسلم لايادي ايه يعني ومالو مفيش مانع وفي كل حالاتك انا راضي
داخليه تفض مظاهراتك والوضع جميل وديمقراطي تاتا تاتا جنب الحيط ماشي وهكمل عمري وانا مطاطي
لا انا هنزل علي التحرير تاني ولا ههتف واطلب اسقاطك انا هقطع بايديا لساني ولا عمري هراجع قراراتك
علي البركه وسوق بينا وكمل هيجيلي تناحه وهتحمل ده انا هنزل وانتخبك تاني ويارب يكتر فتراتك
من حال الناس انا عقلي احتار الناس بتشوف الفول كافيار اه ياعيني ياعيني ياعيني
لو تلقى حكومه بتضرب نار الناس بتقول قشطه استقرار